Kwa mujibu wa Shirika la Habari la Hawza, Hazrat Ayatollah Nouri Hamedani alikutana na Hojat al-Islam Wal-Muslimeen Mohseni Ajei kabla ya adhuhuri ya leo, na kusifu shughuli za Mkuu wa Mahakama, na kusema: Mabadiliko katika mfumo wa Mahakama na mawasiliano ya moja kwa moja na wananchi na safari zako katika maeneo mbalimbali ya nchi ili  kuyafikia matatizo ya watu ni Jambo zuri sana na umeweza kuleta mabadiliko katika mahakama.

Akirejelea sehemu ya barua ya 53 ya Nahj al-Balagha kuhusu uteuzi wa majaji, Mheshimiwa aliongeza: Hazrat Amir Muminina; Imam Ali (amani iwe juu yake) alipomtuma Malik Ashtar kwenda Misri, alisema:

Ili kuhukumu miongoni mwa watu, chagua walio bora zaidi miongoni mwa watu, wale ambao ni wataalamu na wajuzi wa kupambanua Haki, na kazi ya kuhukumu na hukumu isiwe ni ngumu kwao, na wawe wana uwezo wa kushughulikia kazi ya hukumu na kuhukumu kwa kuzingatia haki.

Hadhrat Ayatollah Nouri Hamedani amesisitiza ulazima wa kuwatumikia watu: Ifahamike kuwa watu ndio jambo kuu na radhi ya Mwenyezi Mungu iko katika kuwaridhisha watu, na viongozi ni wahudumu wa watu na lazima watimize yale ambayo ni matarajio halali ya watu.

Aliongeza kusema: Matarajio ya mwisho ya watu ni kupata haki zao na kutatua migogoro ya kimahakama, kwa hiyo, watumie wale wanaoweza kumaliza kesi za kimahakama katika muda mfupi iwezekanavyo na kutoa hukumu kwa kuzingatia ukweli.

Marja huyu wa Taqlid alisema zaidi kwamba Amirul-Mu’minana, Ali (amani iwe juu yake) ndiye mfano bora na kiigizo chema katika uadilifu na kutoa shauri na akaongeza: Maneno yake yanapaswa kuwa nuru yako ya kuongoza katika mashitaka na kutatua mizozo baina ya watu.