Kwa mujibu wa Kitengo cha Kimataifa cha Shirika la Habari la Hawza, katika vita vya hivi karibuni vya Marekani dhidi ya Iran, Mashia wa nchi za Ghuba walirejesha nguvu zao za kisiasa, kijeshi na kijiofizikia (geopolitical), kiasi kwamba leo wamekuwa changamoto kubwa mbele ya mhimili wa uovu wa Marekani na Wazayuni; changamoto ambayo si hatua za ukandamizaji za watawala wa Kiarabu katika nchi za Ghuba wala sera za maridhiano za serikali ya Lebanon dhidi ya Mashia wa nchi hiyo zinazoweza kuwadhibiti au kuwarudisha nyuma.
Ali al-Husseini, mtaalamu na mwanaharakati wa masuala ya kimataifa, katika makala yake amechambua nguvu za Mashia wa Bahrain na Lebanon mbele ya hatua za ukandamizaji zinazochukuliwa na serikali zao.
Matini ya makala hiyo ni kama ifuatavyo:
Wamarekani, ambao wamepoteza kambi zao zote katika eneo hili na hawana mahali pa kujificha dhidi ya Wairani, hata hawana nyumba ya kujisitiri dhidi ya hasira ya Iran na makombora yake ya kuangamiza – ambayo yaliigeuza kambi ya Juffair nchini Bahrain, kambi muhimu zaidi ya Kikosi cha Tano cha Marekani katika Ghuba, kuwa magofu – watakuwa ni waliopoteza. Wamepoteza sehemu kubwa ya heshima na ushawishi wao, wamejitengenezea matatizo, na wamezidisha chuki, hasira na uadui katika nyoyo za Mashia wengi ambao idadi yao katika eneo lote la Ghuba, Yemen, Iraq na Iran inazidi milioni 200. Mwenendo wa watawala wa Bahrain dhidi ya Mashia walio wengi, kunyang’anya haki zao, na vita vinavyoendelea kuongezeka dhidi yao kwa kufuta taasisi zao za kidini, kwa mtazamo wa Mashia na Wairani, ni mwendelezo wa vita ambavyo Wamarekani na Wazayuni walivianzisha dhidi ya Jamhuri ya Kiislamu, na ni kuongezeka kwa mfumo wa vita vya maangamizi ambavyo Wayahudi Wazayuni wanaendelea kuvianzisha dhidi ya Mashia nchini Lebanon, hususan kusini mwa nchi hiyo.
Mashia wana mizizi ya kina katika eneo hili. Popote walipo ndani ya Asia Magharibi, watakuwa kundi lenye idadi kubwa na wengi zaidi. Popote waendapo na popote watokapo, mizizi yao itaendelea kushikamana na kuenea hadi warejee na kuwa nguvu kubwa katika eneo hili na kuwa “tishio” kwa maadui wao.
Suluhisho halipo katika kuwafukuza, kuwabana na kuondoa uwepo wao wa kimwili, kama wanavyofanya Wazayuni nchini Lebanon na familia ya Aal Khalifa nchini Bahrain. Mashia wamevuka kipindi cha udhaifu na kuwekwa pembeni. Leo, wako katika kilele cha nguvu zao za kisiasa, kijeshi, kiuchumi na kijiofizikia. Kwa maadui wao, wawe watawala kama Aal Khalifa na Aal Sabah, utawala haramu wa Kizayuni au Marekani kama dola kubwa ya kikoloni, ni ujinga kutumia kiburi na mbinu za kuwadhoofisha kimadhehebu pamoja na kuwabana kisiasa.
Mafunzo ya historia bado yapo katika dhamiri za Mashia na yamechongwa humo, na yanatukumbusha jinsi walivyokuwa miaka 50 iliyopita na jinsi walivyo leo, kama mhimili wa pili mkubwa wa kidini katika ulimwengu wa Kiislamu ambao hauwezi kupuuzwa au kuondolewa, na haki zao halali za kidemokrasia haziwezi kufutwa kupitia mbinu za ukandamizaji, mauaji, uhamisho, kuwafurusha na kunyang’anya haki zao za kitaifa.
Hamad Aal Khalifa, mtawala mwenye kiburi na wa kudharauliwa wa Bahrain, amechukua hatua hatari dhidi ya Mashia alipodhani kuwa anaweza kuiangamiza jamii ya Kishia kwa kuvunja Wakfu wa Jaafari na kunyang’anya mali zake zote za wakfu, ambazo zilikuwepo muda mrefu kabla ya utawala wa Aal Khalifa na ufalme wao wa kihalifu nchini Bahrain. Hakuna mtawala aliyewahi kufanya jambo hili hapo kabla, hata Waothmania au Waingereza wenye hila.
Hawakuthubutu kuziangamiza jumuiya za kidini, sasa wanawezaje kuiangamiza jamii ya Kishia ambayo ndiyo wengi nchini Bahrain? Uamuzi wa mtawala wa Bahrain utakuwa msumari ambao “mfalme” huyo mwenye kiburi ameupigilia mwenyewe katika misingi inayoyumba ya kiti chake cha enzi.
Uamuzi wa kufuta Wakfu wa Jaafaria na kuficha uhalifu huu wa kimadhehebu kwa uamuzi mwingine wa udanganyifu wa kufuta Wakfu wa Sunni na kuyaweka masuala ya wakfu chini ya Wizara ya Sheria yenye misimamo ya kimadhehebu na chini ya waziri wake, ni hatua ya kipumbavu na ya kichaa. Hatua hii sio tu itaongeza pengo kati ya Mashia wanaodhulumiwa walio wengi na utawala wa kidikteta wenye misingi ya kimadhehebu na kihalifu, bali pia itaongeza mvutano wa kikanda na kuiingiza Ghuba katika mzunguko wa ukosefu wa utulivu, hasira za wananchi na uchochezi dhidi ya jirani yao mwenye nguvu, Iran. Iran imetoka vitani sio tu ikiwa mshindi, bali pia ikiwa imevuka mistari yote myekundu mbele ya maadui wake, wawe Wamarekani au watawala watiifu na wasio na uzito kama Bahrain, Imarati na familia ya Aal Sabah.
Mwenendo wa utawala wa Aal Khalifa na namna wanavyowadhalilisha Mashia kwa kutumia mbinu hizi, kufuta haki zao na kunyang’anya haki zao za kidini na kimadhehebu kupitia uamuzi usiofikirika na wa kipumbavu, hautawasaidia wala hautamwokoa Hamad na utawala wake kutoka katika mgogoro waliomo.
Jambo hili litachochea hasira za wananchi na kuyapeleka masuala haya kwenye zaidi ya mipaka ya maandamano ya amani kuelekea katika hali kubwa zaidi. Mienendo ya kikanda baada ya Vita vya Ramadhani na kudhoofika kwa hadhi ya Marekani imebadilika; mambo si kama yalivyokuwa hapo awali.
Maoni yako