Kwa mujibu wa  Shirika la Habari la Hawza,  Watu wa heshima na wa kuaminika, katika simulizi nyingi ambazo zimezidi kiwango cha tawātur, wamesimulia matukio ya kupata baraka ya kuhudhuria mbele ya nuru ya Imam Mahdi (as), na simulizi hizi zimeandikwa kwa nyaraka madhubuti katika vitabu maarufu na vinavyoaminika.

Hata katika zama hizi zetu, baadhi ya watu wamepata neema hiyo kuu, licha ya kwamba Imam wa Zama (aj) katika tauqī’ (barua rasmi) aliyomwandikia Ali bin Muhammad Samari, wakala wa nne kati ya "mawakala wanne" katika kipindi cha ghaiba ndogo, alieleza kuwa:

«... فَاجْمَعْ أَمْرَکَ وَ لاَ تُوصِ إِلَی أَحَدٍ فَیَقُومَ مَقَامَکَ بَعْدَ وَفَاتِکَ فَقَدْ وَقَعَتِ اَلْغَیْبَةُ اَلتَّامَّةُ فَلاَ ظُهُورَ إِلاَّ بَعْدَ إِذْنِ اَللَّهِ تَعَالَی ذِکْرُهُ وَ ذَلِکَ بَعْدَ طُولِ اَلْأَمَدِ وَ قَسْوَةِ اَلْقُلُوبِ وَ اِمْتِلاَءِ اَلْأَرْضِ جَوْراً وَ سَیَأْتِی شِیعَتِی مَنْ یَدَّعِی اَلْمُشَاهَدَةَ \[أَلاَ فَمَنِ اِدَّعَی اَلْمُشَاهَدَةَ] قَبْلَ خُرُوجِ اَلسُّفْیَانِیِّ وَ اَلصَّیْحَةِ فَهُوَ کَذَّابٌ مُفْتَرٍ ...»

Yakusanye mambo yako, wala usimuachie mtu yeyote wasia wa kushika nafasi yako baada ya kifo chako; kwani ghaiba kamili (ghaibat al-kubrā) imekwishatokea. Basi hakutakuwepo tena kudhihiri isipokuwa kwa idhini ya Mwenyezi Mungu Mtukufu, na hilo litakuwa baada ya kipindi kirefu sana, na wakati ambao nyoyo zitakuwa ngumu na ardhi itajaa dhulma na uonevu. Wafuasi wangu watakuja kudai kuwa wameniona. Basi fahamuni kuwa yeyote atakayekuja kudai kuwa ameniona kabla ya kutoka kwa Sufyani na kabla ya kutokea kwa sauti ya mbinguni, huyo ni mwongo na mfitini. (Al-Ghayba, Shaykh Tusi, Juzuu ya 1, uk. 395)

Swali:
Kwa kuwa simulizi za kuonana na Imam huyo hazina shaka hata kidogo, je, tauqī’ hii inafasiriwaje?

Jawabu:
Katika kujibu, tunapaswa kusema kuwa tauqī’ hii ni tangazo la kufikia kikomo kwa ghaiba sughrā na mwanzo wa ghaiba kubrā, ambapo aliamrishwa Ali bin Muhammad Samari (r.a) kuwa asimwachie mtu yeyote wasia kuwa khalifa wake au kuwa wakala wake maalumu baada ya yeye kufariki.

Kadhalika, ni tamko la wazi kuhusu batili ya madai ya wale wanaodai uwakala, uwakilishi au uwakilishi maalumu baina ya Imam (as) na watu katika kipindi cha ghaiba kubrā.

Kwa hiyo, kama baadhi ya maulamaa wakubwa walivyosema, huenda maana ya wale waliotajwa kuwa “waongo na uzushi” kwa kudai kuwa wamemuona Imam, ni wale wanaodai uwakilishi na uwakala maalumu, ambao hutumia dai la kumuona au kufuzu kwake ili kujitangaza kuwa wao ni wawakilishi wa Imam (as) kwa watu. Na simulizi hizi na matukio ya watu kufuzu kumuona Imam huyo ni hoja na ushahidi kuwa katika tauqī’ hiyo, hakukukanushwa kumuona kwa ujumla, bali ni madai yanayothibitisha kuwepo kwa mtu maalumu aliyechaguliwa kwa ajili ya uwakilishi.

Na inawezekana maana ya tauqī’ hiyo ni kukanusha madai ya kuona au kuwasiliana kwa hiari; yaani ikiwa mtu atadai kuwa ana uwezo wa kumuona Imam (as) kwa mapenzi na hiari yake mwenyewe wakati wowote atakapotaka, basi huyo ni mwongo na mfitini. Na dai kama hilo halikubaliwi kabisa kutoka kwa mtu yeyote katika ghaiba kubrā.

Kwa kifupi, kwa kutegemea tauqī’ hii, haiwezekani kuyapinga matukio na simulizi maarufu na yenye uwiano mkubwa. Na kwa mujibu wa vyanzo na nyaraka, simulizi hizi zina uzito wa ushahidi mkubwa.

Kwa hiyo, uwezekano wa watu kufuzu kumuona Imam (as) ni jambo lililothibitika, na pia, uwongo na batili ya madai ya wale wanaodai uwakala na usuluhishi maalumu baina ya Imam huyo na watu katika ghaiba kubrā ni jambo lililo wazi.

Utafiti huu unaendelea…

Imenukuliwa kutoka katika kitabu “Majibu kwa Maswali Kumi Kuhusu Uimamu” kilichoandikwa na Ayatollah Safi Golpaygani – huku ikifanyiwa mabadiliko kiasi