Kwa mujibu wa ripoti ya kitengo cha kimataifa cha Shirika la Habari la Hawza, kitengo cha wanawake cha taasisi ya kitamaduni na kidini ya “Kawthar” kilichopo Istanbul, kwa lengo la kuonesha mshikamano na taifa la Iran, kiliandaa soko la hisani. Katika programu hii, washiriki walitoa vyakula, mavazi na vifaa vya nyumbani, wakaweka bidhaa zao kwa ajili ya kuuzwa, na mapato yaliyopatikana yalitengwa kwa ajili ya kuisaidia Iran.
Mwanzoni mwa hafla hiyo, mkuu wa Chama cha Wanazuoni wa Ahlul-Bayt wa Uturuki (Ehlibeyt Âlimleri Derneği - EHLA-DER), Hujjatul-Islam wal-Muslimin Sheikh Qadir Akaras, aliwakaribisha washiriki na akatangaza mshikamano wake pamoja na taasisi ya kitamaduni na kidini ya Kawthar na watu wa Iran.
Soko hili lilifanyika kwa ushiriki wa hiari kabisa wa wananchi, na uwepo wa watoto kwa namna ya kipekee ulikuwa miongoni mwa mambo yaliyojitokeza; kiasi cha kwamba baadhi ya watoto walishiriki kwa kuwasilisha bidhaa walizotengeneza kwa mikono yao au kuzikabidhi katika mabanda kwa ajili ya kuuzwa, na wengine kwa kutoa akiba zao wenyewe katika tendo hili la kheri. Aidha, moja ya mabanda lilitengwa kwa ajili ya kuuza picha zilizowekwa katika fremu za kiongozi shahidi wa Mapinduzi ya Kiislamu. Ushiriki na mwitikio wa wanawake katika programu hii umeripotiwa kuwa mkubwa.
Maoni yako