Kwa mujibu wa Shirika la Habari la Hawza, Hafla hiyo ilifanyika tarehe 29 Agosti 2026 sawa na 16 Rabiul Awwal 1448 A.H. katika Hawza ya Sayyidah Zaynab (s.a.), iliyopo Kirigiti, Kaunti ya Kiambu, na kuwakutanisha waumini mbalimbali kwa lengo la kuadhimisha ujio wa Mtume Muhammad (s.a.w.w.) duniani na kuhuisha mapenzi kwa shakhsia yake tukufu.
Katika maadhimisho hayo, waumini walipata fursa ya kutafakari juu ya maisha na ujumbe wa Mtume Muhammad (s.a.w.w.), ambaye alitumwa kuwa rehema, mwongozo na nuru kwa wanadamu. Ujumbe wake uliosisitiza huruma, umoja, udugu na uongofu uliendelea kuwa kiini cha maadhimisho hayo.
Kukutana kwa waumini katika hafla hiyo kulitoa taswira ya mshikamano na mapenzi yao kwa Mtume Mtukufu (s.a.w.w.), huku maadhimisho hayo yakitumika pia kama fursa ya kuwakumbusha Waislamu umuhimu wa kuyafanya mafundisho ya Mtume kuwa msingi wa maisha yao ya kila siku.
Maoni yako