Kwa mujibu wa Shirika la Habari la Hawza, kundi la wanazuoni wanaharakati wa nchi ya Bahrain usiku wa jana tarehe 19 May 2026 walikutana na Ayatullah Shubayri Zanjani, na pamoja na kumjulia hali yake, walieleza hali ya Mashia wa Bahrain hususan baada ya Vita vya Ramadhani.
Hujjatul-Islam wal-Muslimin Muhammad Khojasteh, mmoja wa wajumbe wa “Majlis al-Ulama Bahrain”, baada ya kuelezea hali ya Mashia wa Bahrain na msimamo wa kiuadui wa serikali ya Bahrain dhidi yao katika miaka ya hivi karibuni, alisema: Vita vya Ramadhani viliupiga pigo kubwa uso wa serikali ya Aal Khalifa, kwa hiyo baada ya vita kumalizika, waliweka mashinikizo dhidi ya Mashia kwa lengo la kulipiza kisasi dhidi ya Iran, katika hatua ya kwanza waliwavua uraia Wabahrain 73 kwa tuhuma ya kuwa na uhusiano na Iran na wakawafukuza kutoka Bahrain.
Katika hatua iliyofuata, siku ya Jumamosi tarehe 19 Ordibehesht, ndani ya muda wa saa nne tu, kwa kuvamia nyumba za wanazuoni 41 miongoni mwa wanazuoni wa ngazi ya juu wa Kishia nchini Bahrain, pamoja na kuwakamata walikamata pia mali zao binafsi. Tuhuma dhidi yao zilikuwa ni kuwa na uhusiano na Jeshi la Walinzi wa Mapinduzi ya Kiislamu na kueneza nadharia ya Wilayat al-Faqih nchini Bahrain, aidha, tangu kuanza kwa vita hivyo, idadi kubwa ya Mashia wa Bahrain wamekamatwa kwa tuhuma ya kuiunga mkono Iran.
Akirejelea mashinikizo yanayofanywa na serikali za Kuwait na Falme za Kiarabu dhidi ya Mashia wa nchi hizo mbili, aliongeza: Kuna hofu kwamba katika hatua zinazofuata, hawza zinazofanya kazi, vituo vya kitamaduni vya Kishia vitafungwa, na maimamu wa misikiti ya Kishia watafukuzwa kutoka misikitini.
Katika mwendelezo wa kikao hicho, Ayatullah Shubayri Zanjani, huku akionyesha matumaini ya kuondolewa mashinikizo dhidi ya Mashia wa nchi za Ghuba ya Uajemi, alisisitiza: Katika historia yote Mashia wamekuwa wakipata uangalizi wa Mwenyezi Mungu, na kwa fadhila za Mwenyezi Mungu mabalaa mengi yameondolewa kutoka kwao.
Inafaa kukumbusha kwamba tangu kuanza kwa Vita vya Ramadhani, serikali za Bahrain, Kuwait na Falme za Kiarabu zimeweka mashinikizo makubwa dhidi ya Mashia wa nchi hizi tatu, na idadi kubwa ya wanazuoni wa Kishia wenye uraia wa nchi hizo pamoja na matabaka mengine ya Mashia wamekamatwa kwa tuhuma ya kuwa na uhusiano na Iran na kuonyesha mshikamano na nchi hii, na wamewekwa chini ya mateso mabaya zaidi.
Maoni yako