Kwa mujibu wa Shirika la Habari la Hawza, ujumbe wa shukrani uliotolewa na familia ya Ayatullah al-Udhma Shubayri Zanjani (Mwenyezi Mungu autakase moyo wake) kwa Kiongozi Mkuu wa Mapinduzi ya Kiislamu, viongozi na taasisi mbalimbali za nchi, pamoja na wananchi wote waheshimiwa wa Iran ni kama ifuatavyo:
Kwa jina la Mwenyezi Mungu, Mwingi wa Rehema, Mwenye Kurehemu.
«مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَىٰ نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا»
“Miongoni mwa Waumini wapo wanaume walioitekeleza kwa ukweli ahadi waliyoahidiana na Mwenyezi Mungu, miongoni mwao wapo waliokwishatimiza wajibu wao na kufa kishahidi, na miongoni mwao wapo wanaongojea, wala hawakubadilisha ahadi yao hata kidogo.”
Familia ya Ayatullah al-Udhma Shubayri Zanjani (Mwenyezi Mungu autakase moyo wake), sambamba na kutoa rambirambi zake kufuatia msiba wa kufariki kwa faqihi huyo mwenye daraja ya juu, inapenda kutoa shukrani na pongezi zake za dhati kwa Kiongozi Mkuu wa Mapinduzi ya Kiislamu (Mwenyezi Mungu azidi kumwezesha kufanikiwa).
Shukrani hizo pia zinawaelekezwa kwa waheshimiwa wakuu wa mihimili mitatu ya dola, Baraza la Mawaziri, viongozi na watendaji wengine wa nchi, taasisi mbalimbali za kiraia na kijeshi, pamoja na mashirika ya kitamaduni na tablighi.
Aidha, familia hiyo inatoa shukrani maalumu kwa viongozi waheshimiwa na taasisi mbalimbali za mikoa ya Qum na Zanjan, pamoja na wananchi wote waheshimiwa ambao, kupitia ujumbe wao wa rambirambi, kushiriki katika shughuli za mazishi na kuhudhuria mikusanyiko ya kuomboleza, walionesha heshima na kuthamini nafasi ya juu ya elimu ya fiqhi na Marjaa’iyyah ya Kishia.
Hatua hizo zimechangia pia kuwafariji na kuzipa faraja nyoyo za familia na ndugu wa marehemu.
Vilevile, familia hiyo inamuomba Mwenyezi Mungu Mtukufu awajaalie wote kuendelea kufanikiwa katika njia ya kuitumikia kwa uaminifu dini ya Uislamu na wananchi waheshimiwa na waumini wa Iran.
Tarehe 21 Mehr 1405 Hijria Shamsia/ Oktoba 13 2026.
Maoni yako