Kwa mujibu wa Shirika la Habari la Hawza, matini kamili ya ujumbe wa Mtukufu Ayatullah Sayyid Mujtaba Husseini Khamenei, Kiongozi wa Mapinduzi ya Kiislamu, kwa mnasaba wa Siku ya Kitaifa ya Ghuba ya Uajemi ni kama ifuatavyo:
Kwa Jina la Mwenyezi Mungu Mwingi wa Rehema Mwenye Kurehemu
Moja ya neema zisizo na mfano za Mwenyezi Mungu Mtukufu kwa mataifa ya Kiislamu ya eneo letu, hususan watu watukufu wa Iran, ni kipawa cha “Ghuba ya Uajemi”. Ni neema iliyo zaidi ya eneo la maji, ambayo imeunda sehemu ya utambulisho na ustaarabu wetu, na pamoja na kuwa ni kiunganishi cha mataifa, imeunda njia ya kipekee na ya kimsingi ya uchumi wa dunia katika Mlango wa Hormuz na baadaye Bahari ya Oman. Rasilimali hii ya kimkakati imechochea tamaa ya mashetani wengi katika karne zilizopita, na historia ya uvamizi wa mara kwa mara wa wageni wa Ulaya na Marekani, hali ya kutokuwa na usalama, hasara na vitisho mbalimbali kwa nchi za eneo hili, ni sehemu ndogo tu ya mipango mibaya ya wakandamizaji duniani dhidi ya wakazi wa eneo la Ghuba ya Uajemi; na mfano wa karibuni kabisa ni ubabe wa hivi karibuni wa “Shetani Mkubwa”.
Taifa la Iran ambalo lina ufukwe mkubwa zaidi wa ardhi katika Ghuba ya Uajemi, lijitolea zaidi katika njia ya uhuru wa Ghuba ya Uajemi na kukabiliana na wageni na wavamizi; kuanzia kufukuzwa kwa Wareno na kuachiliwa kwa Mlango wa Hormuz, ambalo ndilo msingi wa kutajwa kwa tarehe kumi ya mwezi Ordibehesht kama Siku ya Kitaifa ya Ghuba ya Uajemi, hadi mapambano dhidi ya ukoloni wa Uholanzi, pamoja na mashujaa wa upinzani dhidi ya ukoloni wa Uingereza, na kadhalika. Lakini Mapinduzi ya Kiislamu yalikuwa ni hatua ya kihistoria katika kukata mikono ya wakandamizaji kutoka eneo la Ghuba ya Uajemi, na leo baada ya kupita miezi miwili tangu mashambulizi makubwa zaidi ya kijeshi na uvamizi wa madhalimu duniani katika eneo hili na kushindwa kwa aibu kwa Marekani katika mpango wake, enzi mpya ya Ghuba ya Uajemi na Mlango wa Hormuz inaandikwa.
Mataifa ya eneo la Ghuba ya Uajemi ambayo kwa miaka mingi yalizoea ukimya na kukubali udhalilishaji wa watawala mbele ya madhalimu na wavamizi, katika siku sitini zilizopita yameshuhudia kwa macho yao mandhari nzuri ya uimara, uangalifu na jihadi ya mashujaa wa vikosi vya majini vya jeshi na Sepah, pamoja na heshima na ushujaa wa watu na vijana wa eneo la kusini mwa Iran tukufu katika kukataa utawala wa wageni.
Leo kwa neema za Mwenyezi Mungu Mtukufu Jalّ wa ‘Ala na kwa baraka ya damu za mashahidi waliodhulumiwa wa vita vya kulazimishwa vya tatu, hususan kiongozi mtukufu na mwenye maono ya mbali wa Mapinduzi ya Kiislamu (Mwenyezi Mungu auinue daraja lake tukufu), si tu katika fikra za umma duniani na mataifa ya eneo hili, bali hata kwa wafalme na watawala wa nchi mbalimbali, imethibitika kwamba; uwepo wa wageni wa Kimarekani na kujikita kwao katika ardhi za Ghuba ya Uajemi ndio sababu kuu ya kutokuwa na usalama katika eneo hili, na vituo vya Marekani visivyo na msingi hata haviwezi kuhakikisha usalama wao wenyewe, achilia mbali kutoa matumaini ya kulinda usalama wa wategemezi na wanaoipenda Marekani katika eneo hili.
Kwa uwezo na nguvu za Mwenyezi Mungu, mustakabali mwema wa eneo la Ghuba ya Uajemi utakuwa mustakabali usio na Marekani na uwenye maendeleo, utulivu na ustawi wa mataifa yake. Sisi pamoja na majirani zetu katika eneo la maji la Ghuba ya Uajemi na Bahari ya Oman “tunashiriki hatima moja”, na wageni ambao kutoka maelfu ya kilomita mbali wanakuja kwa tamaa kufanya uovu humo, hawana nafasi humo isipokuwa ndani ya kina cha maji yake. Na mlolongo wa ushindi huu ambao kwa fadhila za Mola Mtukufu umefanikishwa chini ya sera na mikakati ya mapambano na mkakati wa Iran yenye nguvu, ni mwanzo wa mfumo mpya wa kikanda na kimataifa.
Leo mwamko wa kimiujiza wa taifa la Iran haujajikita tu katika mamilioni ya watu walio tayari kujitoa mhanga katika mapambano dhidi ya Uzayuni na Marekani yenye kumwaga damu, bali pia mbele ya safu zilizoungana za umma wa Kiislamu uliotumwa; Milioni ya Wairani wenye heshima na ujasiri ndani na nje ya nchi, wamechukulia uwezo wote wa kitambulisho, kiroho, kibinadamu, kielimu, viwanda na teknolojia za msingi na za kisasa, na kama mipaka ya maji, ardhi na anga, watalinda rasilimali hiyo.
Iran italifanya eneo la Ghuba ya Uajemi kuwa salama na itaondoa uwezekano wa matumizi mabaya ya adui mhasimu katika njia hii ya maji. Sheria za kisheria na utekelezaji wa usimamizi mpya wa Mlango wa Hormuz zitaleta ustawi na maendeleo kwa manufaa ya mataifa yote ya eneo hili, na neema zake za kiuchumi zitaleta furaha katika nyoyo za watu; بِاِذنِ الله وَلَو کَرِهَ الکافرون.
Sayyid Mujtaba Hosseini Khamenei
Maoni yako