Kwa mujibu wa ripoti ya Idara ya tarjuma ya Shirika la Habari la Hawza, Sheikh Ahmad Qabalan, Mufti Mashuhuri wa Jaafari na mwanazuoni wa Kishia wa Lebanon, katika ujumbe aliouelekeza kwa wananchi wa Lebanon amesema: “Enyi watu wapendwa wa Lebanon! Hakuna shaka kwamba tupo katikati ya eneo la kimkakati linaloishi chini ya shinikizo la moto; huku Washington ikisisitiza kutekeleza ‘Mradi wa Karne’, kupitia eneo la mafuta la Ghuba ya Uajemi na maeneo ya nishati ya Mashariki ya Mediterania. Yote haya yanatokea katika mazingira ya kuongezeka kwa nguvu ya China na wengine, kuenea kwa migogoro ya kimataifa, pamoja na kuongezeka kwa mipasuko na uwezo huru baina ya Marekani na miji mikuu mingine mikubwa.
Aliongeza kuwa: “Hapa ndipo ilipojificha baadhi ya migogoro hatari zaidi ya dunia mpya; kwa sababu Washington inataka kulifanya eneo la Ghuba ya Uajemi na eneo la nishati la Mediterania kuwa kituo kikuu cha ‘mapambano ya karne’ na chombo kinachohitajika kuunyonga uchumi wa kimataifa na kutekeleza utawala mpya wa dunia. Hili ndilo jambo ambalo Marekani ililipoteza kupitia vita vyake dhidi ya Iran, na sasa inataka kulifidia bila muujiza; jambo ambalo haliwezekani.”
Washington haijui la kufanya baada ya kushindwa katika vita vyake dhidi ya Iran
Sheikh Qabalan aliendelea kusema: “Hapa ndipo hasa ulipo mzizi wa mgogoro wa kikanda, ukiwemo wa Lebanon na Syria; kwa sababu tupo katikati ya maeneo ya nishati na moto wa mapambano makubwa ya mafuta. Wajibu wetu leo ni kuilinda Lebanon dhidi ya mchezo wa ‘dili dhaifu’, na kuilinda Lebanon kunahitaji mshikamano mkubwa zaidi wa kitaifa, kisiasa, wa wananchi na wa vyombo vya habari; vinginevyo tutapoteza ngome imara zaidi za mamlaka ya Lebanon, hifadhi hii ya kitaifa ni suala la kuwepo, kwa maana kamili ya neno hilo; kwa sababu hata Washington yenyewe, baada ya vita vyake ilivyoshindwa dhidi ya Iran, haijui cha kufanya.
Aliendelea kusema: “Kile ambacho nchi za eneo hili zinapitia siku hizi ni ‘tsunami ya kiusalama’ isiyotabirika na yenye kuyumbisha hali, kwa hiyo kiwango cha ushawishi na ulinzi wa kitaifa kinategemea nguvu tuliyo nayo, wala si tofauti zilizopo miongoni mwetu. Kutegemea diplomasia dhaifu pekee katika mazingira haya kutaifanya Lebanon kuwa mawindo rahisi ya ‘Tel Aviv ya kigaidi’, na hilo ndilo hasa Washington inalolitaka. Jambo la hatari zaidi ni kwamba Tel Aviv haijadiliani kuhusu kujiondoa katika ukanda iliyoukalia kwa mabavu, bali inajadiliana kuhusu namna ya kulinda maslahi na marupurupu ya Kizayuni na kiusalama ndani ya nchi.”
Mwanazuoni huyo wa Kishia wa Lebanon amesema: “Muqawama na Jeshi katika uwanja huu ni mtaji wa mamlaka ya kitaifa, na bila Jeshi na Muqawama, hakuna mustakabali kwa Lebanon, katikati ya tetemeko hili la ardhi la kikanda, tunapaswa kuhifadhi uwezo wa kitaifa wala si kuugawanya, kwa mshikamano na ushiriki wa kitaifa hatutalazimishwa kukubali machaguo mabaya; hasa kwa kuwa Tel Aviv, kwa msaada wa Washington, inataka —kupitia mazungumzo— kuugawanya uwezo wa Lebanon na kuupinga muundo wa mshikamano wa kitaifa. Aidha, serikali ya sasa haina faida yoyote kutokana na udhaifu, mgawanyiko na kuvunjika kwa mshikamano wa ndani.”
“Nabih Berri” ni hitaji la kitaifa na la kuokoa taifa ambalo halina mbadala wa kimataifa wala kikanda
Mufti Mashuhuri wa Jaafari amesisitiza: “Wajibu wetu mkubwa ni kuilinda Lebanon, urithi wake wa kihistoria na ushiriki wake wa msingi unaotokana na Mkataba wa Kitaifa; ushiriki unaozuia mtu mmoja kujitwalia mamlaka yote. Hili ndilo linalotusukuma kutafuta dirisha la kisiasa litakalolitumikia umoja wetu wa kitaifa, wala si kuuchinja.
‘Nabih Berri’, Spika wa Bunge, katika mazingira haya ni hitaji la kuokoa taifa na la kitaifa ambalo hakuna mbadala wake wa kimataifa au kikanda, katika suala hili, tunapaswa kutumia fursa za juhudi za kitaifa, na hili ndilo jukumu kubwa zaidi la serikali ya sasa.”
Alieleza: “Visingizio haviruhusiwi, na kujificha kwenye mapaja ya Marekani kunatishia uhai wa Lebanon, mantiki ya kitaifa ni kwamba, serikali inaposhindwa kukulinda, wewe mwenyewe unapaswa kujilinda; na serikali haijailinda Kusini tangu mwaka 1948 hadi sasa. Mbadala wa Lebanon ni Lebanon, na mbadala wa umoja wa kitaifa ni umoja wa kitaifa.
“Kinachosikitisha ni kwamba serikali ya sasa inashughulika na makundi ya kitaifa kwa namna ya kuigawanya nchi, na Tel Aviv pia inatumia hali hii, kupitia mazungumzo, ili kuupinga muundo wa msingi wa Lebanon na vilevile kuchochea moto katika mikoa na vijiji vyake vyote.”
Kuwepo kwa serikali Kusini, pamoja na idara na taasisi zake zote, ni hitaji la msingi kwa Lebanon
Sheikh Qabalan amesema: “Hatua ya kuchukua hatua iko mikononi mwa serikali sasa, na hakuna serikali bila mshikamano wa kitaifa. Kwetu sisi, hakuna jambo muhimu zaidi kuliko serikali kurejea kwa wananchi wake, maeneo yake na nyanja zake za mamlaka.
“Hapa nasema: Kuwepo kwa serikali Kusini, pamoja na idara na taasisi zake zote, ni hitaji la msingi kwa Lebanon, na uwepo wa Jeshi la Lebanon katika mipaka yote ya kusini ni hitaji la lazima kabisa la mamlaka ya kitaifa na la kuokoa taifa. Miradi ya Washington na Tel Aviv katika suala hili ni ya maafa, na suluhisho liko katika kuweka kipaumbele kwa mamlaka ya kitaifa; bila hilo, serikali haiwezi kutekeleza makubaliano yoyote yanayokinzana na msimamo wa kitaifa.”
Aliendelea kusema: “Kwa kuwa tupo katikati ya mgogoro wa serikali, nasema kwamba nchi haiwezi kuendeshwa kwa mtindo wa Camille Chamoun, Mkataba wa Baghdad, Makubaliano ya Mei 17 au ‘Makubaliano ya Mfumo’. Washington inataka waziwazi kuimeza Lebanon na kuhakikisha maslahi ya Kizayuni, lakini jambo hili halitatokea. Vyama vya kisiasa vina wajibu wa kufanya kile vinachopaswa kufanya, kwa sababu nchi iko katika hatari ya kuwepo kwake.”
Mufti Mashuhuri wa Jaafari amesema: “Moto unaouunguza Kusini utaichoma Lebanon yote, na hakuna eneo lolote litakalokuwa salama kutokana na miradi mikubwa ya Israel. Yeyote aliyeweka msingi wa kunyimwa haki kwa kihistoria ameihukumu Kusini kwenye uharibifu. Kusini unahitaji mlinzi, si mtu atakayefanya biashara juu ya hatima yake, msaada wa kitaifa huanzia katika mstari wa mbele wa Kusini na mshikamano wa mamlaka ya kitaifa, wala si katika ukandamizaji, mgawanyiko, kuondoa wengine na kucheza nafasi ya utawala unaovuka mipaka.”
Kushindwa kwa Washington na Tel Aviv mbele ya Iran kumeifikisha kanda katika hatua nyingine ya mabadiliko
Sheikh Qabalan amesisitiza: “Haiwezekani kuitenganisha Kusini na Beirut, na yeyote anayeipoteza Kusini, ameipoteza Lebanon. Ukweli wa kikanda pia hauko kwa manufaa ya maslahi ya Tel Aviv na Washington, na eneo lote linapitia uchungu wa kujifungua wa mwisho wa zama. Hatupaswi kupoteza umoja wetu wa kitaifa na uwezo wetu wa mamlaka, hakuna nguvu kubwa zaidi kwa Lebanon kuliko yakini ya kitaifa, na kushindwa kwa Washington na Tel Aviv mbele ya Iran kumelifikisha eneo katika hatua nyingine ya mabadiliko.”
Maoni yako