Kwa mujibu wa Shirika la Habari la Hawza kutoka Lebanon, ujumbe uliotumwa na Hawza kwenda Lebanon umeshiriki katika hafla ya kumbukumbu ya mwaka wa pili wa kuuwawa kishahidi Sayyid Hassan Nasrullah na Sayyid Hashim Safi al-Din (Mwenyezi Mungu awarehemu).
Kwa mujibu wa taarifa hiyo: Katika hafla hiyo, iliyohudhuriwa na wajumbe mbalimbali wa kimataifa pamoja na viongozi wa kisiasa na kidini kutoka Lebanon, ujumbe huo wa Hawza umebeba ujumbe kutoka kwa Mkurugenzi wa Hawza kwenda kwa Sheikh Naim Qassem, Katibu Mkuu wa Hizbullah ya Lebanon, pamoja na ujumbe kwa Mujahidina, Mashia wote na wananchi wa Lebanon, na pia ujumbe kwa familia tukufu ya Shahidi Sayyid Hassan Nasrullah.
Ujumbe huo umefanya mikutano na viongozi wa Hawza na watu wa utamaduni wa Lebanon kwa lengo la kuimarisha Hawza, vituo vya kidini na vya kiutamaduni nchini Lebanon, pamoja na kubadilishana uzoefu na programu za kielimu. Aidha, utaeleza na kufafanua maendeleo ya hivi karibuni pamoja na mipango ya Hawza.
Kukutana na kuwajulia hali na kuziheshimu familia tukufu za mashahidi na mashujaa wa kujitolea, pamoja na wale walioathiriwa na vita vya hivi karibuni; kutoa pongezi kwa kusimama imara muqawama na uelewa wa kina wa kustaajabisha wa Mashia na Waislamu wa Lebanon; kukutana na wasomi na watu wenye uwezo nchini humo; na kutekeleza baadhi ya programu za vyombo vya habari, ni miongoni mwa mipango mingine ya ujumbe huo.
Maoni yako