Kwa mujibu wa Shirika la Habari la Hawza, kufuatia hamasa kubwa na ya kushangaza ya watu wa Iran katika hafla ya kuusindikiza mwili mtukufu wa Imam Shahidi wa Umma, Ayatullah Khamenei, kwa mara nyingine tena uhalali wa njia ya uhuru na heshima ya taifa la Iran ulidhihirishwa mbele ya macho ya ulimwengu. Ushiriki huu wa hamasa na usio na mfano ulikuwa zaidi ya ibada ya kuaga, bali ulikuwa ujumbe thabiti na wenye nguvu kwa maadui, ulioonesha kwamba; uhusiano kati ya taifa na uongozi ni uhusiano wa moyoni unaopita kila kitu. Utukufu wa umoja huu uliwatetemesha maadui na kuthibitisha kuwa hakuna tishio lolote linaloweza kuvunja nguzo za Muqawama za taifa hili.
Radi amsli ya hasira na matusi ya Donald Trump dhidi ya watu na Kiongozi wa Iran, pembezoni mwa mkutano wa NATO na baada ya kushuhudia umoja na ukuu wa kitaifa wa watu wa Iran, vinaonesha wazi kushindwa kwa mikakati ya shinikizo la juu zaidi na hali yake ya kukata tamaa mbele ya ukubwa wa irada ya taifa la Iran.
Matumizi ya lugha chafu na ya matusi kutoka kwa kiongozi wa juu wa kisiasa wa Marekani si tu yanaonyesha kuporomoka kwa maadili yake, bali pia ni ushahidi wa ukweli kwamba; maadui wa Iran wameshindwa kuelewa kina cha uhusiano wa kiroho wa watu na malengo ya Mapinduzi ya Kiislamu. Hasira hii ya wazi ni ushahidi ulio dhahiri wa athari kubwa ya uwepo wa kishujaa wa watu katika mlinganyo wa eneo.
Kutangaza kusitishwa kwa mkataba na ahadi kwa Iran, pamoja na hatua zake za kijeshi zenye mipaka na za kukata tamaa dhidi ya baadhi ya maeneo nchini Iran, zaidi ya yote kunaonesha mkanganyiko na mkwamo wa kimkakati wa Washington. Wakati adui akilenga kutisha na kuvunja ari ya taifa, hatua hizi za uchokozi hazijazaa matokeo yoyote isipokuwa kuongeza mshikamano wa ndani na kuimarisha azma ya kuendeleza njia ya Muqawama. Watu wa Iran kwa kusimama kwao imara wamethibitisha kwamba; mbele ya uvunjaji wowote wa ahadi na uchokozi wowote, hawatarudi nyuma kutoka katika misingi na malengo yao.
Leo dunia inashuhudia mapambano yasiyo na uwiano lakini yenye kuamua hatima; mapambano kati ya irada ya chuma ya taifa lililosimama imara katika njia ya haki na adui ambaye licha ya kumiliki silaha na vyombo vya habari, ameshindwa katika uwanja wa mapambano ya irada. Historia ni shahidi kwamba taifa hili, katika kuvuka kila njia ngumu, kwa kutegemea imani na umoja wake, litaendelea kuwa mshindi wa mwisho katika mapambano ya haki na batili, Inshaallah.
Maoni yako