Kwa mujibu wa ripoti ya kikundi cha tarjama cha Shirika la Habari la Hawza, baada ya kushindwa kwa utawala wa Kizayuni katika nyanja za kijeshi, za baharini na za kijasusi, hivi karibuni, ripoti zimechapishwa kuhusu kushindwa kwa timu za kijasusi na usikilizaji wa siri za utawala wa Kizayuni katika kupambana na Wayemeni, kushindwa kwa majasusi kubaini lahaja za Wayemeni ni changamoto kubwa kwa Wazayuni, na imewalazimu kuunda mabadiliko ya kijasusi kwa kuajiri kundi la Wayahudi wenye asili ya Yemeni kwa kazi hiyo.

Bloomberg imefichua kuwa utawala wa Kizayuni, baada ya kushindwa kwao tarehe 7 Oktoba 2023 na katika kukabiliana na uwanja wa Yemen, unatafuta kufanya “mapinduzi ya kijasusi” ya msingi.

Shirika hili la habari, likinukuu afisa wa kijasusi wa Israel, lilikiri kuwa huduma za kijasusi za adui zinafeli kutokana na kutokuelewa kwao kikamilifu kuhusu itikadi ya Hamas na asili pamoja na muundo wa harakati ya Yemeni.

Afisa huyo wa Israel alikiri kuwa utawala huu hauna taarifa yoyote nyeti kuhusu malengo au harakati za Wayemeni na akaeleza kuwa timu za usikilizaji wa siri zilikumbana na matatizo ya kuelewa lahaja ya Yemeni, jambo lililowasukuma kuajiri Wayahudi wenye asili ya Yemeni ili kusaidia katika tafsiri.

Kufuatia kushindwa huku, mpango mpya wa Israel unajumuisha kufufua programu ya uajiri kwa lugha ya Kiarabu na kutoa mafunzo jeshini kwa ajili ya kazi hii, lengo la hatua hii ni kupunguza utegemezi wa teknolojia na kuunda kikosi cha majasusi na wachambuzi wenye ujuzi mkubwa wa lahaja za kienyeji, hasa Yemeni, Ghaza na Iraqi.

Bloomberg inaeleza kuwa mageuzi haya, badala ya kulenga sana teknolojia kama vile satelaiti na ndege zisizo na rubani, yatazingatia kipengele cha binadamu na kupanua kitengo cha utafiti, pia rasilimali zitakabidhiwa kwa kitengo cha ndani chenye jukumu la “kushindana na uchambuzi wa kawaida” kupitia fikra zisizo za kawaida.

Katika muktadha huu, makampuni makubwa ya usafirishaji kimataifa, yakiongozwa na kampuni ya Kidenmaki “Maersk”, kufuatia kuongezeka kwa hatari za usalama katika Bahari Nyekundu, yalitekeleza hatua za dharura za bima ikiwa ni pamoja na kufuta kile walichokiita “gharama za akiba za dharura”.

Kampuni hii ilifafanua uamuzi huu kwa kuzingatia hali ya sasa, ikibainisha kuwa gharama hizi za ziada zinaongezeka kwa gharama za usafirishaji na bima, ambazo zimepanda sana kutokana na marufuku ya usafirishaji wa baharini kuelekea bandari za Kizayuni na Yemen.

Katika uchambuzi wa gazeti la Marekani “Cradle”, kushindwa kwa Marekani na Ulaya kuzuia operesheni za kijeshi zinazofanywa na vikosi vya kijeshi vya Yemen kwa ajili ya kuiunga mkono Ghaza ni jambo dhahiri, ripoti hii inaashiria kuwa onyo la vikosi vya Yemeni kuhusu kuanza tena mashambulizi yao dhidi ya meli za kibiashara zinazohusiana na utawala wa Kizayuni limeongeza tena mvutano katika eneo hilo.

Ripoti hii ilithibitisha kuwa Yemen ni moja ya vipengele vyenye nguvu zaidi katika mhimili wa upinzani na hakuna dalili yoyote ya kurudi nyuma ndani yake, na ikabainisha kuwa “Trump”, rais wa Marekani, anaamini kwamba aina yoyote ya uingiliaji wa kijeshi wa moja kwa moja wa Marekani inaweza kuiweka Washington katika “shimo la matope” ambalo kutoka humo kwa matokeo yasiyohakikishwa ni jambo gumu.

Mwisho wa ujumbe.