Kwa mujibu wa Shirika la Habari la Hawza, Hujjatul Islaam walmuslimiina Sayyid Sadruddin Qabanji, Imam wa Ijumaa wa Najaf Tukufu, katika khutba ya Swala ya Ijumaa aliyotoa katika Husainia Kuu ya Fatimiyya mjini Najaf Tukufu, alieleza mitazamo yake kuhusu masuala muhimu yanayohusiana na Iraq na eneo hilo.
Mkutano wa Umoja wa Mataifa Haujengi Chochote, Bali Ni Jukwaa Tu la Kutoa Hotuba Zisizo na Tija
Imam wa Ijumaa wa Najaf Tukufu alisema: “Kuondoka zaidi ya nchi 80 katika Mkutano Mkuu wa Umoja wa Mataifa wakati wa hotuba ya Rais wa utawala wa Kizayuni, Netanyahu, lilikuwa jambo ambalo lilimshangaza [Rais huyo wa utawala huo], na kutokana na mshangao huo pamoja na tukio hilo, alitawaliwa na hasira. Tukio hili linaonesha ushindi wetu katika fikra za umma duniani; kwa sababu imesisitizwa kwamba utawala wa Kizayuni si tu ni utawala usio halali, bali pia ni utawala wa kigaidi unaojengwa juu ya mauaji ya kimbari.”
Kwa upande mwingine, alisema: “Mkutano wa Umoja wa Mataifa haujengi chochote, bali ni jukwaa tu la kutoa hotuba zisizo na tija; hata Mahakama ya Kimataifa ya Haki, ambayo ilitoa hukumu dhidi ya rais wa utawala huo, ilikabiliwa na vikwazo vya Marekani. Hivyo basi, hii ni mifano ya mikutano na maamuzi ya kimataifa ambayo mbele ya matakwa ya ukoloni wa dunia hayana thamani yoyote.”
Si Sahihi Iraq Kujibu Vikwazo Hivi Visivyo vya Haki
Hujjatul Islaam walmuslimiina Sayyid Sadruddin Qabanji, katika sehemu ya hotuba yake kuhusu masuala ya kimataifa, aligusia vikwazo vya Marekani dhidi ya mashirika ya ndege ya Iran na kusema: “Hapa tunazungumzia upande unaohusiana na Iraq.”
Aliongeza: “Si sahihi Iraq kujibu vikwazo hivi visivyo vya haki, na hairuhusiwi upande wowote katika mapambano haya kutulazimisha kuchukua msimamo ambao haufikirii kuwatumikia watu wetu, maslahi yetu na utambulisho wetu. Iraq kujibu vikwazo hivyo hakunufaishi maslahi yetu ya Kiiraq; kwa hiyo tunaiomba Serikali ivipitie upya vikwazo hivyo.”
Maoni yako