Kwa mujibu wa ripoti ya Kitengo cha tarjama cha Shirika la Habari la Hawza, mwangaza huo ulioendana na kuanza rasmi Ramadhani duniani, ukiwasilisha ujumbe usemao kwamba; "mwezi huu mtukufu umeanza kwa Waislamu wote ulimwenguni".
Skrini hiyo kubwa sana iliyopo katikati ya eneo la Piccadilly Circus huvutia takribani wageni milioni 100 kila mwaka na inachukuliwa kuwa mojawapo ya majukwaa yanayoonekana zaidi ya matangazo duniani. Waandaaji wa tangazo hilo walisema kuwa; ujumbe huo ni ishara ya utofauti na dhamira ya London ya kusherehekea matukio ya umma kwa ushirikishwaji mpana.
Sambamba na tukio hilo, maonyesho ya kwanza ya sanaa ya dini mbalimbali yameandaliwa katikati ya London, yakifadhiliwa na Trocadero London pamoja na Taasisi ya “Ramadan Tent Project” (Mradi wa Hema la Ramadhani). Waandaaji wamechagua njia maalum jijini humo ambapo kwa muda wa mwezi mzima wataandaa futari katika migahawa, kumbi za chakula na sehemu maarufu za kimataifa za vyakula.
Chanzo: 5Pillars
Maoni yako