Kwa mujibu wa ripoti ya idara ya Tarjama ya Shirika la Habari la Hawza, kundi maalumu lilikuwa limeandaliwa mapema kwa ajili ya kumpokea Papa, ambalo lilimzungusha katika maeneo ya Msikiti na sehemu zake mbalimbali, na kumpa maelezo juu ya usanifu na historia yake.
Moja ya sehemu zilizotembelewa ni mihrabu, ambapo msimamizi wa msikiti alimuelezea Papa na ujumbe wake kuwa ni sehemu anayesimama Imam wa swala, imejengwa ndani ya ukuta, na inaonesha mwelekeo wa Qibla cha Waislamu, yaani mwelekeo wa kuelekea Makka.
Bwana Tunja, muadhini wa msikiti huo, alikuwa mmoja wa wajumbe wa mapokezi ya Papa, ambaye katika mahojiano alisema:
“Tulitoa maelezo kuhusiana na mihrabu. Kisha Papa aliuliza maswali kadhaa.”
Hii ndiyo ziara ya kwanza ya Papa huyu mwenye asili ya Marekani tangia achaguliwe kuwa kiongozi wa Wakatoliki duniani, ambayo imefanyika kwa lengo la kueneza ujumbe wa urafiki kati ya Wakristo na Waislamu.
Ofisi ya Bodi ya Wadhamini wa Msikiti wa Bluu iliripoti kuwa: Papa Leo mwenye umri wa miaka 70 alisikiliza kwa makini maelezo ya historia ya msikiti huo, na alionesha heshima kwa jengo hilo pamoja na waumini wanaokusanyika humo.
Chanzo: The National
Maoni yako