Kwa mujibu wa ripoti ya Idara ya Tarjama ya Shirika la Habari la Hawza, Hujjatul-Islam wal-Muslimin Sayyid Baqir Hosseini, Rais wa Jumuiya ya Imamiya ya Baltistan, Pakistan, katika hotuba yake kwenye Msikiti Mkuu wa mji wa Skardu, Pakistan, akirejea safari ya hivi karibuni ya Dkt. Ali Larijani na mikutano yake mingi na maafisa wa ngazi za juu wa Pakistan, alisema kuwa Rais wa Baraza la Juu la Usalama wa Taifa la Jamhuri ya Kiislamu ya Iran alikuwa amebeba ujumbe maalumu pamoja na salamu za dhati na za joto kutoka kwa Kiongozi Mkuu wa Mapinduzi ya Kiislamu Iran kwa serikali na wananchi wa Pakistan. Safari hii ni ishara wazi ya kina cha uhusiano wa kitamaduni, kidini na kisiasa kati ya mataifa haya mawili, na ni kielelezo cha uangalizi maalumu wa Kiongozi Mkuu wa Mapinduzi kwa Waislamu wa Pakistan.
Mwanachuoni huyu mashuhuri wa Pakistan, kwa kuonesha mapenzi na heshima kubwa kwa Kiongozi Mkuu wa Mapinduzi ya Kiislamu, alisema kwa msisitizo: Tunampelekea salamu kiongozi huyu mwenye busara na hekima; kiongozi ambaye kwa ujasiri, baswira na tadbiri yake ya Kiungu, ameipatia dunia ya Kiislamu heshima. Ewe Kiongozi Mkuu! Tunawekwa nawe ahadi kwamba kila utakapotoa amri, kwa uwezo wetu wote, tutazitoa mhanga roho na mali zetu kwa ajili ya malengo yako ya juu na ya Kiungu pamoja na malengo ya kimapinduzi.
Maoni yako