Kwa mujibu wa ripoti ya Idara ya Tarjama ya Shirika la Habari la Hawza, Hussein al-Nimr, afisa wa eneo la Beqaa “Hizbullah”, katika hafla ya bendera ya “Uhamasishaji” kuinuliwa katika “Kituo cha Kijihadi” mjini Baalbek, alisema kuwa; Siku ya Uhamasishaji ni kituo cha kurejesha misingi na kuamsha upya mkusanyiko mpana wa shughuli zitakazosambazwa katika miji na maeneo mbalimbali. Lengo la shughuli hizi ni kusisitiza utayari wa uhamasishaji na uwepo wake wa kudumu, pamoja na kupuliza roho ya mshikamano wa kikundi na kazi ya pamoja ili kutekeleza majukumu makubwa.
Al-Nimr, akieleza kuwa muqawama ni wazo, ni mkondo wa fikra na ni mustakabali, alitoa wito wa kuhifadhi wasia wa mashahidi na kulinda kujitolea kwao pamoja na kujitolea majeruhi na walioteseka, na akalitaja hilo kuwa ni wajibu wa kibinadamu na wa kimaadili.
Vilevile alisisitiza nafasi ya serikali katika kutoa mtazamo wa kimkakati wa kuunga mkono mamlaka ya nchi na kukabiliana na mashambulizi ya mara kwa mara ya Israel, pamoja na kufuatilia juhudi za kimataifa za kumtoa adui katika ardhi zinazokaliwa kimabavu.
Al-Nimr alisisitiza umuhimu wa kuendelea kwa uhamasishaji katika mkondo wake, uwepo wake katika uwanja, mshikamano wa kijamii na utoaji wa huduma kwa wananchi, na akathibitisha kuwa muqawama ni msimamo endelevu na utayari wake unasalia thabiti.
Maoni yako